عمر الخنوع ما يكون
قسمة ونصيب في الكون
أصل الخضوع والهوان
عجز ورضا من جبان
سكت ليه يا ولد
لما كلاب البلد
دخلت بيوت الناس
وسبت ليه الديابة
تاكل رغيف الغلابة
وتدوس كمان ع الراس
رجعت بلادك صبية
وسط الشدايد عفية
والقلب فيه إحساس
مادة البصر للأماني
حالفة لتنهض تاني
وتشتت الحراس
يا مصري يا معجباني
امتى هتنهض تاني
تصبح شديد الباس
تبني الأمل من جديد
وتأكد التجديد
وتشتت الحراس
تضرب في أرضك فاس
تنتج وترفع راس
وتعود عزيز الناس
المشاركات
4 التعليقات:
كلمات جميلة جدا ورائة معبرة وانشاء الله ربنا ينصرنا علي الظلم وتعود البسمة المصرية من تاني
بالتوفيق لشعب مصر الحبيب
شكرا لك على مشاعرك الرقيقة يا يمنى يا ابنتي الغالية..وإن شاء الله يتحقق الحلم على يديك أنت وجيلك الرائع..
سرني مرورك الكريم أخي أحمد يوسف وأسرتني كلماتك الرقيقة
إرسال تعليق